CONSTRUCTION TECHNOLOGY

Habari za wakati mpendwa msomaji! hivi kwa kawaida ni watu wangapi ambao wanafikiria kujenga? hapana shaka ukifanya utafiti utakuta kila binadamu mwenye akili timamu anafikiria kujenga. Hivyo basi twende pamoja katika habari hii muhimu kwako.

Hatua za kufuata ili kupewa kibali cha kujenga jengo.

Kwanza kabisa wanaotoa kibali cha kuruhusu jengo lijengwe ni mamlaka za kiserikali za eneo husika hasa manispaa, kwa maana wao wanao ramani ya mji mzima inayoonesha mipangilio ya aina za majengo yanayotakiwa kujengwa katika kila mtaa.

1. Hati halali ya eneo – Hii hasa kwa wale wanaotaka kujenga majengo ya gholofa na ya kibiashara ni lazima kuhakikisha unakuwa na hati halali inayoonesha kwamba sehemu unayotaka kujenga ni mali yako.

~~mfano wa hati ya kiwanja~~

2. Michoro kamili na iliyowekwa muhuri – hii ni ile ya msanifu majengo(architectural drawings) kwa majengo ya kawaida ya kuishi(residential) ya chini (one storey) kwa yale ya ghorofa pia itahitajika michoro ya mhandisi majengo(structural drawings), mhandisi umeme (electrical drawings), na michoro ya mfumo wa maji safi na taka (plumbing).

~~mfano wa ramani ya muonekano wa jengo (3dimension)~~

Kumbuka : michoro hii yote inatakiwa iwe imepigwa muhuri ili kuonesha kwamba imechorwa na wataalamu wenye sifa na wanaotambulika.

kwa ushauri/maoni/swali wasiliana nasi kupitia

email: omarisaidi77@gmail.com

Namba ya simu: +255 753 629218, +255 689636501,

Karibu Sana!!!

	MOJA ya mambo ambayo yamekuwa yakishughulisha na kufikirisha akili za watu wengi ni suala la ujenzi wa makazi. Suala hili huwa gumu kwa wenye nyumba za kupanga.
	Jambo kubwa ambalo limekuwa likisababisha tafakari kubwa wakati wa mipango ya ujenzi wa nyumba ni namna ya kufanikisha gharama kubwa zinazohitajika, ambazo zinaogopesha wengi. Hizi ni kuanzia kupata uwanja, kununua vifaa na kukamilisha kazi.
	Gharama ni jumla ya nguvu, rasilimali na uwezo ambao unahitajika kwa ajili ya kupata kitu ambacho kinatakiwa kwa mhusika anayehitaji kujenga makazi nyumba yake.
	Katika ujenzi, gharama huangukia katika rasilimali watu na vitu hususani gharama za ufundi pamoja na nyenzo za ujenzi.
	Katika mazingira ya sasa ambayo teknolojia imeendelea zaidi, ujenzi wa nyumba umekuwa ni kitu kinachohitaji utaalamu mkubwa ili uweze kukidhi sheria na miongozo iliyopo.
	Miaka ya nyuma ilikuwa inawezekana kujenga nyumba kwa namna ambayo unataka mwenyewe na ingewezekana kuwa na gharama ndogo zaidi, lakini miaka ya sasa taratibu na sheria zimekuwa zikilazimu kwa namna moja ama nyingine kujenga nyumba yenye kiwango na ubora unaokubalika.
	"Ni muhimu kujenga nyumba ambayo imekidhi viwango vya kitaalamu na kisheria kwa manufaa bora".
	Watu wengi wamekuwa wakilalamika ughali wa gharama unaotokana na kujenga kwa kufuata taratibu za kitaalamu bila kujua sababu zinazozalisha gharama hizo.
	Zipo sababu nyingi za msingi ambazo zinafanya suala la ujenzi liwe la gharama kubwa.
	Sababu mojawapo ni pamoja na usanifu na mipango ya jinsi ya kufanya uamuzi wa namna jengo na mifumo yake yote inavyopaswa kuwa ikiwamo mwonekano wake, miundombinu, umeme, maji, mandhari na kila kitu kinacho husiana na nyumba.
	Usanifu ni hatua ya kwanza na ya msingi katika ujenzi na kwamba unapokosea katika hatua hiyo upo uwezekano mkubwa wa kukosea hata mwisho wa ujenzi wa nyumba husika.
	“Ni muhimu kupata wataalamu ambao wamebobea katika kufanya kazi hii ya usanifu ili uweze kuweka msingi mzuri wa nyumba yako. Hatua hii huweza kuhusika pia katika kukadiria gharama ambazo nyumba yako itagharimu pamoja na muda ambao utahitajika kukamilisha ujenzi wako”.
	“Lakini pia ili kupunguza gharama za ujenzi unapaswa kujenga nyumba unayoihitaji, hii inamaanisha kuwa kuna watu wanajenga nyumba ambazo hawazihitaji au hazitawasidia kwa muda ambao wamekusudia. Kujenga nyumba ambayo ni kubwa mno au ndogo sana ni sawa na kujenga nyumba ambayo huihitaji.
	Hakikisha umeshirikiana na mtaalamu wako kujadiliana katika mahitaji uliyonayo na dukuduku nyingine unazozipenda ili uwe umeridhika na nyumba ambayo utaijenga.”
	Tunashauri kutumia vizuri kila nafasi iliyopo katika eneo ulilonalo wakati wa kujenga nyumba kwa sababu ni mojawapo ya njia za kitaalam za kupunguza ghrama za ujenzi.
	Pia kila ongezeko la eneo la mita moja ya mraba katika nyumba inagharimu wastani wa Sh. 500,000 kwa nyumba ya kawaida na kwamba hiyo inatoa picha halisi ya kuepuka kuwa na nyumba inayochukua eneo kubwa bila sababu ya msingi.
	“Hii inakwenda sambamba na kutumia nafasi wima (mfano kutumia makabati ya ukutani) ambayo mara nyingi imekuwa kama haitumiki lakini kama zingetumika zingepunguza mita za mraba za nyumba zisizo za lazima.
	Hii inakwenda pamoja na kuepuka kuwa na korido zisizo na ulazima. Korido zinaweza kuongeza ukubwa wa nyumba mpaka asilimia 30.
	Aidha anataka kuepuka kuwa na nyumba yenye konakona na umbo gumu, nyumba yako iwe na muonekano rahisi lakini mzuri” .
	Jambo jingine ambalo Tunashauri ni kuacha kuweka vitu visivyo vya lazima katika nyumba.
	“Kwa mfano unaweza kuachana na madirisha ya aluminiamu na ukatumia madirisha ya nyavu tu au ukaepuka kujenga makabati vyumbani kwani yanaweza kuongeza gharama za matofali na saruji,”
	Lakini pia achana na kujenga kila kitu kwa tofali wakati mwingine kuacha nafasi kwa mfano kuwa na sebule, jiko na sehemu ya kulia isiyotengwa na kuta kunaweza pia kusaidia kupunguza gharama.
	Zinapungua zaidi iwapo uezekaji utapunguza matumizi makubwa ya mbao na mabati mengi bila sababu.

Ikiwa unajenga nyumba mpya au unafanya ukarabati wa nyumba ya zamani, suala la kupunguza gharama za ujenzi ni muhimu sana.

Watu wengi wamejikuta katika hali ngumu ya kifedha au hata kukwama katika ujenzi kutokana na kushindwa kuweka mikakati mizuri ya kupunguza gharama za ujenzi.

Kwa kutambua umuhimu wa ujezi, na kwa kutambua kuwa ujenzi ni jambo linalogharimu fedha nyingi; nimeona ni vyema nikushirikishe mambo 10 muhimu unayoweza kuyazingatia ili uweze kupunguza gharama za ujenzi.

1. Chagua kiwanja bora

Uchaguzi sahihi wa kiwanja kwa ajili ya ujenzi ni jambo muhimu sana. Watu wengi hujikuta wakitumbukia kwenye gharama kubwa za ujenzi kutokana na uchaguzi duni wa kiwanja.

Hebufikiri ukinunua kiwanja sehemu ambayo ni mkondo wa maji au udongo wake unatitia; hili litakulazimu kutumia gharama kubwa zaidi ili kukifanya kiwanja hicho kifae kwa ujenzi, gharama ambazo zingeweza kuokolewa kama ungefanya uchaguzi sahihi wa kiwanja.

2. Chagua ramani nzuri na rahisi

Ni wazi kuwa watu wengi wanajenga nyumba kila kukikucha lakini siyo wote wanaojenga nyumba zenye ramani sahihi na bora.

Pamoja na sababu kuwa suala hili linatokana na ukosefu wa elimu sahihi juu ya masuala ya ujenzi; ramani mbaya huwagharimu watu wengi fedha nyingi na mwishowe haziwapi nyumba walizozihitaji.

Kwa mfano; ramani za nyumba za Ulaya (Hasa maeneo ya baridi) huwezi kuzijenga kwenye maeneo ya Afrika yenye joto. Inaweza kuwa ni ramani nzuri sana lakini ikawa na vitu vingi vinavyoongeza gharama zisizokuwa za msingi. Vivyo hivyo ramani ya rafiki yako inaweza isiwe bora kwako.

Hivyo, hakikisha unachagua ramani nzuri na rahisi ambayo utaweza kuitekeleza vyema bila kukutengenezea mzigo mkubwa wa gharama.

3. Fanya utafiti wa kutosha

Kukurupuka na kuanza kufanya jambo ni suala baya sana. Utafiti katika suala la ujenzi ni jambo muhimu sana litakalokuwezesha kupunguza gharama za ujenzi kwa kiasi kikubwa.

Unapaswa kutafiti yafuatayo:

Bei za bidhaa na vifaa vya ujenzi
Mafundi bora
Vifaa bora na vya bei nzuri
Teknolojia za kisasa kwenye ujenzi, n.k.

Ukitafiti kwa kina masuala tajwa hapo juu pamoja na mengine yanayohusiana nayo, kwa hakika utapunguza gharama za ujenzi ambazo zingepotea kutokana na kutokuwa na uelewa sahihi.

4. Tumia vifaa mbadala

Kutokana na maendeleo ya sayansi na teknolojia katika sekta ya ujenzi, kumekuwepo na vifaa pamoja na malighafi mbalimbali ambazo zinarahisisha ujenzi, zinaokoa gharama za ujenzi pamoja na kulinda mazingira.

Hivi leo zipo mbao maalumu, matofali au hata vifaa vya jamii ya vigae ambavyo vinaokoa gharama za ujenzi maradufu kuliko vifaa vya kawaida. Ikiwa utajikita kutumia vifaa hivi basi utaweza kupunguza gharama zisizo za lazima kwenye ujenzi.

5. Simamia vyema manunuzi na ujenzi

Watu wengi wamejikuta wakipoteza fedha nyingi sana kwenye miradi yao, hasa miradi ya ujenzi kutokana na kukosa usimamizi mzuri.

Niimeona watu wakijenga nyumba kwa simu na kuishia kupata hasara kubwa. Fundi anakuambia leta mifuko 10 ya saruji kumbe ni minne tu inahitajika; fundi anakuambia ametumia kitu fulani kumbe ametumia kilicho dhaifu ili apate pesa yake ya mfukoni.

Ni muhimu kuhakikisha unasimamia manunuzi vyema pamoja na ujenzi kwa ujumla na si kumkabidhi fundi kila kitu.

6. Chagua msimu sahihi wa ujenzi

Siyo kila majira yanafaa kwa ajili ya ujenzi; inakupasa kuchagua msimu sahihi unaofaa kwa ajili ya ujenzi.

Ni wazi kuwa majira kama vile ya mvua nyingi siyo rafiki kwa ujenzi; hii ni kutokana na sababu ya changamoto za usafirishaji wa malighafi za ujenzi pamoja na changamoto ya mafundi kutokuweza kufanya kazi wakati mvua ikinyesha.

Suala hili linaweza kutengeneza gharama za ziada ambazo hazikutarajiwa kama vile kuongezeka kwa gharama za usafirishaji pamoja na ununuzi wa vifaa kama vile turubai; gharama ambazo zingeweza kuepukwa ikiwa msimu wa ujenzi ungechaguliwa vyema.

7. Tafuta fundi sahihi

Hivi leo kuna mafundi wengi, lakini si wote ni mafundi bora. Kwa ajili ya kwenda kwa mazoea au kutokana na kukosa uelewa, watu wengi wamejikuta wakitumia mafundi ambao huwasababishia gharama kubwa za ujenzi.

Hebu fikiri ukifanya kazi na fundi anayekosea kila kitu; ni wazi kuwa kazi itakuwa ni kujenga na kubomoa ili kurekebisha makosa.

Suala hili litakusababishia kutumia pesa nyingi zaidi kwa ajili ya marekebisho; ilihali pesa hizo ungeziokoa kama ungechagua fundi bora.

8. Fanya baadhi ya mambo wewe mwenyewe

Ukiruhusu kufanya kila kitu kwenye ujenzi kwa kutegemea mtu anayehitaji malipo utajitengenezea gharama kubwa sana katika ujenzi wako.

Kuna baadhi ya mambo ambayo unaweza kuyafanya wewe mwenyewe au wanafamilia wako; mambo kama vile maandalizi ya awali ya kiwanja, kumwagilia maji sehemu iliyojengwa; kukusanya vipande vya mawe au tofali, n.k.

Kwa kufanya mambo kama haya au hata zaidi kulingana na uwezo wako utapunguza sana gharama za ujenzi kwa kiasi kikubwa. Kumbuka! Linda tu usifanye kitu kinachohitaji ujuzi wa kitaalamu usiokuwa nao kwani kinaweza kuleta matatizo makubwa baadaye.

9. Tumia tena malighafi

Kuna kauli isemayo “mafundi ni waharibifu”; mara nyingi mafundi hupenda kutumia vitu hovyo hovyo bila kujali gharama yake.

Mafundi watakata mbao mpya ili tu kupata kipande kidogo wanachokihitaji kuliko kuunga vipande viwili; wanaweza pia kuvunjavunja matofali au kukatakata mabati mapya ili kupata kipande wanachotaka kuliko kutafuta kipande cha zamani kwa ajili ya eneo husika.

Hivyo basi, ili kupunguza gharama za ujenzi, hakikisha unasimamia matumizi ya rasilimali zilizobaki au zilizokwisha kutumika. Vipande vya matofali, mabaki ya mawe, misumari ya zamani, au vipande vya bati vinaweza kutumika sehemu nyingine na kuokoa kiasi kikubwa cha fedha.

10. Zingatia kanuni za ujenzi

Kuna kanuni kadha wa kadha za ujenzi ambazo zisipozingatiwa zinaweza kusababisha hasara kubwa au ongezeko kubwa la gharama za ujenzi.

Masuala kama vile unyeshaji wa sehemu iliyojengwa kwa saruji, uchanganyaji wa saruji, muda wa ujenzi, n.k. Ni baadhi tu ya mambo muhimu sana.

Kwa mfano nyumba isiponyeshwa vizuri ni lazima itapata nyufa na itatengeneza gharama zaidi za marekebisho; kwa mfano pia nyumba ikilazamishwa kujengwa harakaharaka kuliko muda stahiki ni lazima itapata dosari mbalimbali ambazo zitagharimu fedha zaidi kuzirekebisha.

Hivyo basi, ni muhimu sana kuzingatia kanuni zote za msingi za ujenzi ili kuokoa fedha ambazo zingepotea kutokana na kukiukwa kwa kanuni hizi.

Soma pia: Makosa 8 ya Kuepuka Kabla na Wakati wa Kujenga Nyumba

Hitimisho

Yaliyoelezwa hapa juu ni mambo 10 muhimu unayoweza kuyafanya ili kupunguza au kuokoa gharama za ujenzi. Naamini kwa namna moja au nyingine umejifunza namna ambavyo unaweza kuokoa pesa nyingi amabazo zingepotea kwenye ujenzi bila ulazima wowote.

Je, una swali au una maoni yoyote kuhusu sisi? Tafadhali tuandikie maoni yako hapo chini

cebookTwittGoogle+

Nyumba ni hitaji muhimu kwa watu wote. Kila mmoja anatamani na ana ndoto za kununua au kujenga nyumba nzuri na ya kisasa. Ni kweli kuwa ujenzi wa nyumba unahitaji rasilimali nyingi hasa fedha.

Pamoja na gharama hizi za ujenzi wa nyumba bado watu wengi wamekuwa wakishindwa kupata nyumba nzuri huku wakiwa tayari wamepoteza kiasi kikubwa cha pesa. Ni wazi kuwa yapo makosa mbalimbali yanayosababisha hali hii yakiwemo yale ya ukosefu wa elimu pamoja na uzembe wa aina mbalimbali.

Karibu ufuatilie makala hii ili uweze kufahamu makosa 8 unayoweza kuyaepuka wakati wa kujenga nyumba ili hatimaye uwe na nyumba bora.

1. Kutozingatia kanuni za kununua kiwanja

Watu wengi hawafahamu mambo muhimu ya kuzingatia wakati wanaponunua kiwanja. Hivyo hujikuta wakiingia katika matatizo mbalimbali kama vile kuvunjiwa nyumba zao, kujenga kwenye maeneo mabaya kama matindiga na mikondo ya maji. Ni muhimu kuhakikisha mambo yafuatayo kabla na wakati wa kutafuta kiwanja cha kujenga nyumba:

Kiwanja hakina umiliki zaidi ya mtu mmoja
Kiwanja hakina mgogoro wa kisheria
Kiwanja hakiko kwenye hifadhi ya barabara au mazingira
Kiwanja kinafaa kwa ujenzi (Siyo tindiga, eneo la magadi, eneo la maporomoko ya ardhi au mkondo wa maji)

Ukizingatia haya utaweza kupata kiwanja kizuri kwa ajili ya kujenga nyumba bora kwa ajili ya matumizi yako.

2. Uchaguzi duni wa ramani

Mara nyingi mtu humwita fundi na kumwambia kuwa “nataka unijengee nyumba ya vyumba vitatu”. Fundi anapouliza ramani yako iko wapi wao husema we angalia tu nzuri alimradi iwe ya vyumba vitatu. Hili ni kosa kubwa sana kwani husababisha watu wengi kujengewa nyumba ambazo hawazipendi.

Ramani nzuri kwa fundi inaweza isiwe nzuri kwako na familia yako. Zingatia uchaguzi wa ramani kwa makini kulingana na wewe unavyopenda, hili litakufanya pia upende nyumba itakayojengwa.

3. Kutokufanya makadirio sahihi

Ni wazi kuwa umeona nyumba nyingi zikianzwa lakini hazimaliziki. Hili kwa kiasi kikubwa linatokana na kufanya makadirio na maandalizi duni kabla ya kuanza kujenga. Ujenzi wa nyumba unahitaji maandalizi mazuri hasa kifedha. Ni muhimu kujiandaa vyema kabla ya kuanza ujenzi ili usikwamie njiani.

Mambo unayoweza kufanya:

Weka makadirio ya gharama za ujenzi ili angalau uandae kiasi fulani cha pesa.
Nunua baadhi ya vifaa kabla. Unaweza kununua mchanga, mawe, kokoto, nondo, mabati n.k. Ili kupunguza matumizi ya pesa wakati wa ujenzi.
Weka mipango ya kutunza mahitaji yako mengine ya pesa kabla ya kuanza ujenzi. Kwa mfano ada za shule, kodi mbalimbali, chakula n.k.
Punguza matumizi yasiyokuwa ya lazima kabla na wakati wa ujenzi. Ikumbukwe kuwa pesa nyingi zitahitajika kwenye ujenzi.

4. Kutokubainisha mahitaji

Mahitaji ya nyumba hutofautiana kati ya mtu mmoja na mwingine. Hivyo ni vyema ukabainisha mahitaji yako kwa nyumba husika. Nimeshuhudia watu wakijenga nyumba na kuzivunja ua kuzifanyia marekebisho kila mwaka kutokana na kutobainisha mahitaji yao mapema.

Kurekebisha au kuvunja na kujenga upya nyumba yako kutakupotezea kiasi kikubwa sana cha pesa. Kwa mfano wengi hurekebisha nyumba zao ili kuongeza vitu kama vile jiko, choo na bafu, milango, madirisha n.k. ambavyo wangepanga mapema wangekuwa wameviweka mwanzoni.

5. Kutokuwaza mbeleni

Ni vyema kuwaza mbeleni kwani nyumba ni kitu utakachokitumia muda mrefu. Ni vyema ukafahamu vitu na mahitaji utakayoyataka kwenye nyumba yako kwa siku za mbeleni. Hili litakuwezesha kujenga nyumba utakayoitumia na kuifurahia kwa muda mrefu zaidi.

Ni vyema pia ukawaza kuweka miundombinu ya kisasa kama vile umeme, simu (intercom), nyaya za televisheni, Kiyoyozi, na hata Data. Hata kama huna pesa za kuweka mambo haya unaweza kubuni nyumba ambayo baadaye itaruhusu miundombinu hii.

6. Kutumia mafundi duni

Wengi hupenda kuokoa gharama kwa kutumia mafundi wenye uwezo mdogo ili wawalipe kwa bei nafuu. Ni wazi kuwa rahisi inaumiza. Jiande vyema kabla ya ujenzi ili uweze kuitendea haki nyumba yako kwa kutumia mafundi bora wanaoimudu kazi yao vyema. Kutumia mafundi bora kutakufanya kupata pia kazi yenye ubora.

7. Kupuuza kanuni muhimu za ujenzi

Ujenzi una kanuni zake mbalimbali ambazo ni vyema zikazingatiwa. Kutokana na uelewa mdogo, watu wengi hawazingatii kanuni muhimu za ujenzi kama vile kumwagilia maji yakutosha pamoja na kujenga nyumba kulingana na muda.

Nimeshuhudia nyumba nyingi zikivunjika kutokana na kujengwa haraka haraka bila kutoa muda wa kutosha kwa nyumba kukomaa na kustahimili uzito. Pia nimeona watu wakipuuzia umuhimu wa kunyesha sehemu iliyojegwa kwa maji mengi; ni muhimu kunyesha vyema eneo lililojengwa kwani “uimara wa saruji ni maji”; unaweza kunyesha angalau kwa siku saba asubuhi na jioni.

*Nyumba iliyoporomoka kutokana na kupuuza kanuni za ujenzi.*

8. Matumizi ya vifaa duni

Kama nilivyoeleza katika maelezo yaliyotangulia, uhaba wa fedha huwafanya watu wengi kufanya kazi duni. Hivi leo kuna vifaa mbalimbali vya ujenzi, lakini si vyote ni bora. Kwa mfano, hakuna haja ya kununua kitasa kinachovunjika baada ya mwezi au vigae vinavyofubaa. Kwa kufanya hivi utapoteza pesa nyingi kwa kununua vifaa hivyo mara kwa mara. Jibane, jipange ufanye kitu cha uhakika.

Hitimisho

Ni wazi kuwa ujenzi wa nyumba ni shunguli pevu inayohitaji kutulia, moyo na maandalizi stahiki. Hakuna kitu kinachoshinda nia na mipango mizuri. Naamini kwa kuyaepuka makosa tajwa hapo juu utaweza kujenga nyumba bora, salama na ya kisasa kabisa.

Je umeshajenga nyumba yako? Ulipata changamoto gani na ulizitatuaje? Au ndio unawaza usiku na mchana kuwa upate nyumba ya namna gani,Bei gani na kwamna gani?

Tafadhali tushirikishe kwa kutoa maoni yako hapo chini. Pia unaweza kutupigia simu no.0753629218.

Mfano wa jengo la ghorofa moja katika hatua za ubunifu. Ukiwa na mahitaji ya kufanya ubunifu wa jengo lako, wasiliana nasi tutakusaidia.

Mara nyingi tunajenga nyumba zetu za kuishi au kwa shughuli za kiofisi/biashara kwa kutumia malighafi ya tofali. Vipande vya mawe, tofali nk huungwa moja moja juu ya jingine kwa mpishano maalumu kwa kutumia mota ya simenti na mchanga na hatimaye kupata kitu kinachoitwa ukuta wa nyumba. Aghalabu malighafi na aina ya tofali ikawa tofauti kutegemeana na sababu mbalimbali.

Ukuta wa nyumba ni sehemu muhimu na ya kudumu katika jengo lolote. Huweka uimara wa jingo na kudhibiti joto la nje na la ndani sambamba na kuweka usiri wa vitu vilivyomo ndani ya jingo. Hutoa ulinzi au tuseme kuweka usalma dhidi ya matukio ya hatari na wizi kwa vitu ama watu waliomo ndani.

Ukuta tunaouzungumzia hapa ni ule unaoitwa kitaalamu kama ‘masonry wall’ au ukuta wa tope ambao ni matokeo ya utaalamu wa ufundi uashi. Fundi huyu hutumia mota iliyotokana na mchanganyiko wa simenti (au chokaa, udongo nk), mchanga na maji kwa uwiano maalumu kutengeneza kiunganishi (bonding materials). Mchanganyiko huu ukiwa na utepetepe kiasi huunganisha kipande kimoja kimoja cha ama tofali, jiwe, marble, granite, vigae n.k. Tofali linaweza kuwa ama la kuchoma (brick) au yatokanayo na simenti na mchanga pekee au pamoja na kokoto (blocks).

Yapo majengo yaliyojengwa kwa kuta za zege, mbao au malighafi nyingine. Hatutaweza kutazamia hayo. Tutajikita zaidi kuangazia masonry walls kama nilivyotambulisha awali.

Kwa sehemu kubwa ya ujenzi wetu, katika kujenga ukuta wa tope tunatumia simenti kama kemilikali unganishi muhimu zaidi. Simenti nayo ina ubora tofauti kutegemeana na matumizi. Zipo simenti za aina nyingi kwa matumizi tofauti, tutakuja kuzifahamu wakati mwingine.

Jambo la msingi sana kufahamu, ukuta wa nyumba yako utakuwa imara na wa kudumu zaidi kutegemeana na mambo makubwa matatu

1. Aina ya ukuta unaojenga, mtindo na muundo wake (ukuta wa mawe, tofali,

2. Ubora wa malighafi uliyotumia kulingana na hali nyingine za mazingira

3. Ufundi sahihi katika kujenga ukuta

Kulingana na aina ya malighafi inayotumika kujenga ukuta wa tope, inaweza kuwa ni mawe, tofali n.k tunaweza kupata ubora na uimara tofauti ambao utawezesha kuwako kwa aina mbili kuu za ukuta kutokana na nafasi yake kwenye jengo.

1. Ukuta unaobeba uzito wa jengo (Load Bearing Masonry Walls)

2. Ukuta usiobeba uzito wa jengo (Non Load Bearing Masonry Walls)

Aina ya kwanza ya Ukuta unaobeba uzito wa jengo, hujengwa kwa kutumia matofali ya kuchoma, mawe, au matofali ya zege/mchanga. Kazi ya ukuta wa aina hii mbali na kugawanya vyumba na kutoa usiri, hufanya kazi kubwa ya kuchukua na kusafirisha uzito wa paa ama jengo jingine la juu kama ni nyumba ya ghoroa na kuupeleka kwenye msingi wa jengo na hatimaye ardhini.

Mfundi ujenzi wakiendelea na kazi ya ujenzi wa msingi wa nyumba, msingi wa tofali

Kuna unafuu wa gharama kama ukijenga ghorofa kwa kutumia ukuta wa aina hii badala ya nguzo na bimu za zege, hasa kwa jingo la ghorofa moja. Jambo muhimu ni ubora wa malighafi na unene wa ukuta, bila kusahau uwiano wa urefu na unene (slanderness ratio), na huku uimara wa msingi wa jengo katika dhibiti kucheza kwa ardhi kukiwa na umuhimu mkubwa. Kwa hiyo kuta hizi hufanya kazi ya kusafirisha uzito kama mbadala nguzo za zege na nondo. Unafuu unaweza usionekane pia kama eneo unalojenga litalazimu kuwa na msingi wa jamvi nene la zege (raft foundation)

Msingi wa nyumba ukiwa tayari kwa kujenga kuta za kugawanya vyumba. Msingi wa namna hii unauwezo wa kuhimili nguvu zinazoweza kusababisha nyufa.

Hata hivyo, kuna hatari ya kutokea nyufa kwenye kuta za namna hii kutokana na kukosekana kwa fremu ya nondo na zege ambayo husaidia kukabiliana na nguvu mgandamizo (compression force) na nguvu za utengano (tension forces). Nyufa hizi huwa hatari zaidi kama zitashuka mpaka kuvuka msingi wa jengo.

Mashaka ya jengo kutohimili kutokea kwa nyufa ni hasa wakati wa kukabiliana na matukio kama tetemeko la ardhi, mvua kubwa na upepo mkali, na bila kusahau misukumo ardhini na kuyumba kwa utulivu wa msingi wa jengo (earth pressure & differential foundation settlement). Kufikiria hatari hizi, unalazimika kujihami kwa kushirikisha wataalamu ili kuondokana na mashaka

Uzito (loads) tunaouzungumzia hapa ni mjumuisho wa uzito wa kuta zenyewe, watu na vilivyomo ndani ya jengo, paa la jengo na nguvu ya upepo (imposed & dead loads). Vipimo vya matofali kwa viwango vyetu ni mm 450x230x150 na mm 450x230x100 ambayo kwa lugha za mafundi huzungumzia inchi 9 (tofali la kulaza), 6, 5 na 4 (tofali la kusimama). Kama utatumia tofali kwa ajili ya ukuta unaobeba uzito, ni wazi kuwa utahitajika kujenga ukuta mnene (tofali za zege za kulaza) ambao utakuwa haupungui mm 225 (inchi 9). Kuta nyingine nyembamba unaweza kuzitumia kwa ajili ya kugawanya vyumba.

Hata hivyo, unene wa ukuta utaongezeka kutegemeana na matumizi ya jengo (occupancy) sambamba na idadi ya ghorofa juu ya “floor” ya chini inayogusana na ardhi.

Kwa ujenzi wa ghorofa, ni sahihi zaidi kujenga kuta za chini kwa mtindo wa mchanganyiko wa tofali pamoja na nguzo chache za zege na nondo zilizoungwa na bimu kuzunguka jengo zima, zikiunganishwa na slabu. Wahandisi wabunifu majengo (Structural/Civil Engineers) wanaweza kukusaidia kupata vipimo sahihi.

Ujenzi wa linta ambayo pia inatumika kuunganisha nyumba nzima kama ring beam. Ni aina ya ujenzi wa kawaida mitaani kwetu na matokeo huwa bora kama mafundi wataalamu watatumika.

Aina ya pili, Ukuta usiobeba uzito wa jengo ni kuta ambazo kazi yake kubwa ni kugawa vyumba (partition walls) kwa ajili ya usiri na kulinda waliomo ndani dhidi ya hatari za nje. Katika jengo lenye kuta za namna hii kunakuwa na kuta nyingine ama nguzo ambazo ni maalumu kwa ajili ya kusafirisha uzito, mathalani maghorofa mengi tunayoyaona yakijengwa mijini. Kuta hizi hazilazimiki kuwa nene sana na ndio maana unaweza kujenga ukuta wa inchi 4 tu kwa ajili ya kugawanya maeneo ya choo na bafu.

Mfano wa nyumba ya kuishi iliyokamilika .
PICHA ZOTE NI HATI MILIKI YA Eng.Manyanya

Nyumba hii ina Vyumba vinne vya kulala(4 Bedroom) , Vyumba viwili vyenye vyoo ndani yake(2 Master bedrooms) Vyumba viwili vya kawaida (2 single bedroom).
ina Chumba kwaajili ya kusomea(Study room),Chumba cha kupumzikia(sitting room),jiko(kitchen),store,chumba cha chakula(dining room) choo cha jumuia( public toilet) vilevile na bafu (bathroom)
Vile vile ina veranda ya mbele( front verandah) ana veranda ya jikoni(kitchen verandah).

Tufikie sasa kwa nyumba yako bora kwa bei yako +255753629218.
"Maisha Bora Kwa Nyumba Bora"

2 Bedrooms apartments .

Nyumba hii inaweza kukaa kwenye plot ya 20mx40m
kila moja ina room moja single master bedroom moja kitchen na dining
Inaweza kujengwa kwa gharama ndogo zaidi ikilinganishwa na wengi waliojenga bila wataalam.

N.B:"Usiogope kwa ukubwa wa nyumba unayoiona hapa,fika kwetu utueleze uwezo wako nawe utapata kilicho bora zaidi"Kwa maelezo zaidi tupige au tutafute whatsapp 0753629218 au barua pepe:omarisaidi77@gmail.com

CONSTRUCTION TECHNOLOGY

Welcome,

This blog is for

More Info About Me

Mr.Omari Saidi(Eng.)

3 Years of Experience

Tanga, Tanzania

omarisaidi77@gmail.com

+255(0)753629218

Freelancer Worker

Core Skills

Computer Programming and Web Design

Architectural and Engineering Design

Project Costing and Construction Management

Marketing and Procurement Appraisal

My Resume

EXPERIENCE

EDUCATION

Trainee Engineer - TARURA Tanga City Council.

Software Developer and Web Designerg.

Senior Developer - Abc Inc.

Mbeya University of Science and Technology.

Specialization Course.

NDANDA High School.

258

Happy Clients

735

Complete Projects

3910

Lines of Codes

6

Awards Received

My Services

Web Design

Development

Graphic Design

Clean Code

Fully Responsive

Problem Solving

John Doe

Envato

John Doe

Envato

John Doe

Envato

Portfolio

Jinsi ya Kupata Kibali cha Ujenzi

Tambua Haya kabla ya ujenzi wa nyumba wako

Mambo 10 Muhimu ya Kuzingatia ili Kupunguza Gharama za Ujenzi

1. Chagua kiwanja bora

2. Chagua ramani nzuri na rahisi

3. Fanya utafiti wa kutosha

4. Tumia vifaa mbadala

5. Simamia vyema manunuzi na ujenzi

6. Chagua msimu sahihi wa ujenzi

7. Tafuta fundi sahihi

8. Fanya baadhi ya mambo wewe mwenyewe

9. Tumia tena malighafi

10. Zingatia kanuni za ujenzi

Makosa 8 ya Kuepuka Kabla na Wakati wa Kujenga Nyumba

1. Kutozingatia kanuni za kununua kiwanja

2. Uchaguzi duni wa ramani

3. Kutokufanya makadirio sahihi

4. Kutokubainisha mahitaji

5. Kutokuwaza mbeleni

6. Kutumia mafundi duni

7. Kupuuza kanuni muhimu za ujenzi

8. Matumizi ya vifaa duni

Unataka Kujenga Ukuta Imara wa Nyumba Yako Utakaodumu Muda Mrefu? Soma Hapa

Jenga Kisasa kwa bei shindani

Matumizi bora ya kiwanja chako

Popular Posts

Let's work together !

I am available for freelance projects.

Get In Touch

Reach me Now

Phone : +255 682 732 178

Address : P.o.Box 5848 Tanga,TANZANIA.

Email : omarisaidi77@gmail.com

Phone :
+255 682 732 178

Address :
P.o.Box 5848 Tanga,
TANZANIA.

Email :
omarisaidi77@gmail.com